eGov.kz portaly men eGov mobıldi qosymshasynyń jumysy qalpyna keltirildi

NUR-SULTAN. QazAqparat – Búgin memlekettik organdardyń serverlik ortalyǵy ınfraqurylymynyń isten shyǵýyna baılanysty jeke memlekettik derekter bazalary men elektrondyq úkimettiń komponentterin de qoldaný múmkin bolmady, dep habarlaıdy QazAqparat «Ulttyq aqparattyq tehnologııalar» AQ qoǵammen baılanys basqarmasyna silteme jasap.

«Qazirgi ýaqytta eGov.kz portaly men eGov mobile mobıldi qosymshasy jáne negizgi memlekettik derekqorlardy (JT MDB, ZT MDB jáne t.b.) qosa alǵanda, «elektrondyq úkimet» komponetteri qalpyna keltirildi.

«UAT» AQ qyzmetkerleri «elektrondyq úkimet» komponentteri men memlekettik derekter bazalarynyń tolyq fýnktsıonalyn qalpyna keltirý boıynsha jumys júrgizip jatyr. Sonymen qatar, tehnıkalyq aqaýlardyń sebepterine taldaý jasalady.

Elektrondyq úkimettiń aqparattyq júıelerindegi kez kelgen aqaý aqparattyq qaýipsizdik ındıtsenti retinde tirkeletinin atap ótý kerek. Keshendi taldaý qorytyndysy boıynsha aldaǵy ýaqytta osyndaı jaǵdaılardyń aldyn alý sharalary qabyldanady. Ýaqytsha qolaısyzdyqtar úshin paıdalanýshylardan keshirim suraımyz», - deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.

Eske salsaq, eGov.kz júıesinde aqaý shyqqany habarlanǵan bolatyn.