eGov.kz portaly arqyly ýaqytsha tirkelý múmkindigi qarastyrylmaǵan
ASTANA. QazAqparat - Elektrondy úkimettiń resmı portaly Feısbýktegi paraqshasynda turǵylyqty jerde ýaqytsha tirkelý tásilin túsindirdi.
«Qurmetti paıdalanýshylar! Turǵylyqty jerde ýaqytsha tirkelý jónindegi suraqtaryńyz boıynsha kelesi habarlamamen tanysýdy ótinemiz.
Portalymyzdaǵy elektrondy qyzmette turǵylyqty jerde ÝAQYTShA tirkelý fýnktsııasy eskerilmegen. Ol qyzmet tek qana turǵylyqty jerde TURAQTY tirkelý boıynsha ótinimderdi qabyldap óńdeıdi.
Birqatar BAQ-ta jarııalanǵan "eGov.kz portaly arqyly ýaqytsha tirkelýge bolady" degen aqparat naqty málimetterge sáıkes emes. Turǵylyqty jerde ýaqytsha tirkelý úshin HQKO-ǵa baryp, ótinish jiberýińiz qajet» delingen habarlamada.
