«egov.kz» portaly arqyly qyzmetter tanymaldylyǵy artyp keledi

ASTANA. 20 aqpan. QazAqparat  - QR Statıstıka agenttiginiń  aldyn-ala málimetterine sáıkes, 2011 jyldyń jeltoqsan aıynda  Internet jelisin paıdalanýshylar sany 8 mln. 715 myń adamǵa jetti.

Bul týraly QR Kólik jáne kommýnıkatsııa mınıstrligi qyzmetiniń negizgi baǵyttary boıynsha statıstıkalyq málimetterinde kórsetilgen.

«Elektrondyq úkimet» portaly boıynsha 2012 jyldyń 20 aqpanyndaǵy jaǵdaıǵa sáıkes,  «egov.kz» arqyly 10 mln. 764 myń  e-anyqtama, 957 515  ETsQ berilgen.

Búgingi kúni «egov.kz» portaly arqyly qyzmetterdi alý tanymaldylyǵy artyp keledi.  Mysaly, aqpannyń 6-sy men 12-si aralyǵynda 6260 mekenjaı anyqtamasy  elektrondyq nusqada iske asyryldy. Bul kórsetkish ótken jyldyń osy kezeńinde 1065-ti qurady. Sonymen birge, ústimizdegi jylǵy  aqpannyń 6-sy men 12-si aralyǵynda jeke jáne zańdy  tulǵanyń  jyljymaıtyn múlikke tirkelgen quqyqtary  týraly 33 968  anyqtama HQKO arqyly berilse, 18 840 anyqtama «egov.kz»  portaly arqyly júzege asyryldy.