eGov.kz Almaty turǵynyna kólik nómirin úıine jetkizip berdi
Bul jaqynda ǵana eGov.kz portalynda qoldanysqa engen qyzmet. Ol kóliktiń memlekettik nómir belgisin jáne kólik quralyn tirkeý týraly kýálikti úıge jetkizýdi resimdeýge múmkindik beredi.
Almatyda kólik nómirin úıge jetkizýge tapsyrys bergen, alǵashqy adamǵa qyzmet kórsetildi.
Almaty qalasynyń turǵyny ıÝlııa Gladysheva kezekti avtokólik satyp alyp, pandemııa kezinde kólikti qaıta tirkeý úshin mamandandyrylǵan Halyqqa qyzmet kórsetý ortalyǵyna barǵysy kelmegen. Ol onlaın rejıminde kólikti qalaı qaıta tirkeýge bolatyndyǵy týraly nusqaýlardy oqyp, tapsyrys bergen.
«Men ómirimde alǵash ret mamandandyrylǵan HQO-ǵa barmaı-aq avtokóligimdi qaıta tirkeı aldym, tipti daıyn qujattarymdy da aldym. Sol kúni nómir men tehpasport meniń qolymda boldy. Osyndaı yńǵaıly qyzmet úshin rahmet. Men barlyq avtokólik ıelerine osylaı jasaýǵa keńes berer edim», – deıdi ıÝlııa Gladysheva.
Ol úshin «Elektrondyq úkimet» portalynda «Kólik jáne kommýnıkatsııalar» bóliminiń «Avtomobıl kóligi» tarmaǵynda «MTNB (memlekettik tirkeý nómirlik belgisi) jáne KQTK-ny (kólik quralyn tirkeý týraly kýálik) úıge jetkizý» qyzmetin tańdap, avtorızatsııadan ótý jáne oǵan tapsyrys berý qajet.
«Bul jerde qajetti derekterdi toltyryp, turǵylyqty mekenjaıyn kórsetip, qyzmetke aqy tóleý jetkilikti. Qyzmet quny 2240 teńge. Osydan keıin memlekettik tirkeý nómirlik belgisi men kólik quralyn tirkeý týraly kýálikti MHQO qyzmetkeriniń úıge jetkizip berýin kútesiz. Daıyn memlekettik tirkeý nómirlik belgisi men kólik quralyn tirkeý týraly kýálikti jetkizý qyzmeti bir eldimeken sheginde, mamandandyrylǵan HQKO bar qalalardyń, oblys ortalyqtarynyń, aýdan ortalyqtarynyń turǵyndaryna qoljetimdi ekenin atap ótken jón»,– deıdi « Azamattarǵa arnalǵan úkimet» memlekettik korporatsııasy KEAQ Almaty qalasy fılıalynyń PR-menedjeri Jańyl Ápetova.
