Egindi artyq ylǵaldan saqtandyrýǵa ótinim qabyldaý ýaqyty uzartyldy
ASTANA. KAZINFORM — Topyraqtaǵy artyq ylǵal qaýpinen egis alqaptaryn saqtandyrýǵa ótinim qabyldaý merzimi 2026 jylǵy 15 shildege deıin uzartylǵany belgili boldy.
— «Agrarlyq nesıe korporatsııasy» AQ egin oraǵy kezeńinde topyraqtyń shamadan tys ylǵaldanýy táýekelinen dándi jáne maıly daqyldar egistikterin saqtandyrýǵa ótinim qabyldaý merzimin 2026 jylǵy 15 shildege deıin uzartty. Bul sheshim aýyl sharýashylyǵy taýaryn óndirýshilerdiń saqtandyrý qyzmetine qoljetimdiligin keńeıtý jáne saqtandyrý shartyn rásimdeýge qosymsha ýaqyt berý maqsatynda qabyldandy, — delingen QR AShM habarlamasynda.
Saqtandyrý shartyn jasaýǵa ótinimdi Kezekte.kz platformasy arqyly berýge bolady.
Saqtandyrý baǵdarlamasy Abaı, Ulytaý, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynyń fermerlerine qoljetimdi.
Saqtandyrý qorǵaýy 2026 jylǵy 15 tamyz ben 14 qazan aralyǵynda qoldanylady jáne egin jınaý kezeńinde topyraqtaǵy artyq ylǵaldan týyndaıtyn táýekelderdi qamtıdy.
Ótinim berý, saqtandyrý shartyn jasaý jáne saqtandyrý tólemin alý sııaqty barlyq rásimder Kezekte.kz platformasynda ornalasqan Qalqan agrosaqtandyrý aqparattyq júıesi arqyly tolyqtaı elektrondyq formatta júzege asyrylady. Saqtandyrý shartyn rásimdeý úshin elektrondyq tsıfrlyq qoltańba (ETsQ) qajet.
Memlekettik qoldaýdyń arqasynda fermerler úshin saqtandyrý polısiniń quny 80%-ǵa sýbsıdııalanady. ıAǵnı, memleket saqtandyrý syılyqaqysynyń negizgi bóligin óteıdi, al aýyl sharýashylyǵy taýaryn óndirýshi saqtandyrý qunynyń nebári 20%-yn ǵana tóleıdi.
«Agrarlyq nesıe korporatsııasy» AQ aýyl sharýashylyǵy taýaryn óndirýshilerdi qolaısyz aýa raıy jaǵdaılarynan bolatyn táýekelderden bolashaq ónimdi qorǵaý múmkindigin paıdalanyp, 2026 jylǵy 15 shildege deıin saqtandyrý polısin rásimdeýge shaqyrady.
Buǵan deıin sýbsıdııaǵa sengen qyzylordalyq fermerler nesıeni 25,5%-ben tóleýge qınalyp otyrǵanyn jazǵan edik.
