Egin jınaýǵa qolaısyz aýa raıy bolady – mınıstrlik

ASTANA. KAZINFORM – Ekologııa jáne tabıǵı resýrstar vıtse-mınıstri Nurken Shárbıev Úkimette egin jınaıtyn aımaqtardaǵy aýa raıy boljamyn baıandady.

– Sınoptıkterdiń boljamy boıynsha, 23 qyrkúıekten 30-yna deıin elimizdiń astyq egetin aımaqtarynda, egin jınaýǵa jaısyz aýa raıy bolady. Qostanaı, Aqmola, Soltústik Qazaqstan oblystarynyń basym bóliginde osy kezeń boıy jańbyr jaýady, – dedi vıtse-mınıstr Úkimettiń búgingi otyrysynda.

Aqtóbe oblysynda da qyrkúıektiń 26-sy men 30-ynda jańbyr jaýady. Batys Qazaqstan oblysynda – qyrkúıektiń 25 men 29 aralyǵynda, Qaraǵandy, Ulytaý oblystarynda – qyrkúıektiń 23, 27 men 30 aralyǵynda, Pavlodar oblysynda – qyrkúıektiń 23 men 25, 28 men 30 aralyǵynda jańbyr jaýady dep boljanyp.

Elimizdiń shyǵysynda qyrkúıektiń 23 men 24, 29 men 30 kúnderi jańbyr jaýady jáne qatty jel soǵady. 23-30 qyrkúıek aralyǵynda kúndizgi jáne túngi temperatýra birtindep tómendep, túngi ýaqytta aıaz túsýi múmkin.

– Elimizdiń basym bóliginde, qazan aıynyń ortasha aılyq aýa temperatýrasy qalypty deńgeıde bolady. Al batysta, ońtústik-batysta jáne ońtústik bóliginde ádettegiden jyly bolady. Jańbyr elimizdiń batys, soltústik, shyǵys jáne ońtústik-shyǵystaǵy taýly jerlerde bir aı boıy jıi jaýýy múmkin, – dedi N.Shárbıev.

Aıta keteıik, Úkimet búgin egin jınaý naýqanyn talqyǵa salady.

Bıyl boljam boıynsha 24 mln tonna astyq bastyrylady.