Egizderdi óltirgen áke: Ol kezde mas edim
ALMATY. QazAqparat - Almatyda egiz balasyn óz qolymen óltirgen áke sotta oqıǵa qalaı bolǵanyn aıtyp berdi, dep habarlaıdy QazAqparat tilshisi.
Sot otyrysyndaǵy suraqtarǵa jaýap bergen balalardyń ákesi olardyń óltirgende mas bolǵanyn aıtty.
«Maskúnemdikke salynǵandyǵymnyń saldarynan balalardy qylqyndyrdym. Ol (aıyptalýshy Volchenok - red.) kelgende ulym qolynda uıyqtap jatyr eken. Ol da mas ári sharshańqy boldy, sosyn biz uıqyǵa kettik. Keıin ol oıanyp: «Balalar qaıda?» dep surady. Balalar úıine aparyp tastadym dedim. Biz dalaǵa shyǵyp serýendep keldik te, páter aýystyrdyq. Túste ol taǵy uıyqtap qaldy. Artynan balalar alańqaıyna shyǵyp taǵy serýendedik. Sol jerde men balalardy óltirip tastaǵanymdy aıttym. Biz tóbelesip qaldyq, bizdi arashalap aldy. Sosyn páterge qaıta bardyq, ózimizge qol salaıyq dep sheshtik. Men gazdy qosyp, uıyqtadyq. Biraq biz ólmeı qaldyq. Sodan keıin jınalyp, aýdandyq ІІB bardyq», - dedi sottalýshy Gılmýtdınov.
Gılmýtdınov Volchenkonyń qorǵaýshysy qoıǵan suraqtarǵa jaýap bergeninde uıqyǵa keter aldynda gazdy qosyp tastaǵanyn azamattyq nekedegi áıeline aıtpaǵanyn da moıyndady.
Eske sala ketsek, 11 qyrkúıek kúni jantúrshigerlik oqıǵa Túrkisib aýdanynda bolǵan. Kóppáterli úılerdiń birinde tońazytqyshtyń ishinen óli sábıler tabyldy. Eki ul balanyń ólimi mehanıkalyq asfıksııadan bolǵany anyqtaldy. Keıin olardy týǵan ákesi Emıl Gılmýtdınov býyndyryp óltirgeni belgili boldy. Múrdelerdi tońazytqyshqa salyp ketken. Er adam sotta kinásin moıyndap, balalardyń jylap uıqy bermegeni óltirgenin aıtqan. Keıin balalardyń anasy Alla Volchenko men kúıeýi úlken uldary Ravıldi Samal shaǵynaýdanyndaǵy aýlalardyń birinde qańǵyrtyp tastap ketken. Bala aýlada 3 kún júrgen. 2-3 jastaǵy Ravıldi sol shaǵynaýdandaǵy aýlalardyń birinde turǵyndar taýyp alyp, polıtsııa shaqyrǵan.
