Egistikke tyńaıtqysh qoldaný deńgeıi álemniń damyǵan elderinde Qazaqstannan 400 ese joǵary
ALMATY. 22 aqpan. QazAqparat - Qazaqstan tyńaıtqysh qoldanylǵan egistik kólemi jaǵynan 1990 jylǵy deńgeıge tek 2015 jyly ǵana jetýi múmkin.
Bul týraly búgin Almatydaǵy Qazaq ulttyq agrarlyq ýnıversıtetinde ótip jatqan «Agrarlyq ǵylym, bilim jáne óndiristiń «Agrobıznes-2020» memlekettik baǵdarlamasy boıynsha júzege asyrý» dep atalatyn respýblıkalyq semınarda aıtyldy.
«Tyńaıtqysh beriletin egis alqabynyń kólemi Qazaqstanda 1985-2000 jyldary 17253-ten 86 myń gektarǵa, al paıyzdyq kórsetkishi 48,2-den 0,5 paıyzǵa deıin tómendedi. Bul 2000-2010 jyldary 86 myńnan 2472 myń gektarǵa, pıayzdyq kórsetkishi 0,5-ten 12 paıyzǵa ǵana artty. Boljam boıynsha 2015 jyly ol 9900 myń gektarǵa jetip, 45 paıyzdy quramaq», - deıdi «Agroınnovatsııa jáne ekologııa» ǵylymı-zertteý ınstıtýtynyń dırektory Raqymjan Eleshev. QR UǴA akademıginiń aıtýynsha, ár gektarǵa beriletin tyńaıtqyshtyń kólemi Nıderlandyda - 716 kg, Germanııada - 360 kg, Japonııada - 387 kg, Frantsııada - 280 kg, Chehoslovakııada - 266 kg, Polshada - 201 kg, AQSh-ta - 84 kg, Qazaqstanda - 1,6 kg. Osyǵan sáıkes onda alynatyn ónim kólemi de tómen. Máselen bıdaıdan árbir gektarǵa shaqqanda Nıderlandyda - 5,3; Germanııada - 4,4; Japonııada - 2,7; Frantsııada - 4,1; Chehoslovakııada - 4,5; Polshada - 3,7; AQSh-ta - 3,1; Qazaqstanda - 1,2 tonna ónim jınalady. Kartopta da Nıderlandyda - 36,8; Germanııada - 28,4; Japonııada - 23,4; Frantsııada 18,8; Chehoslovakııada - 23,1; Polshada - 15,1; AQSh-ta - 19,4; Qazaqstanda - 16,6 tonna ónim alynady. Sol sııaqty qant qyzylshasynda Nıderlandyda - 47,7; Germanııada - 45; Japonııada - 48,4; Frantsııada - 41,6; Chehoslovakııada - 34,9; Polshada - 30,6; AQSh-ta - 29,5; Qazaqstanda - 22,8 tonna ǵana jınalady.
