Egistik jumystaryna aýyl sharýashylyǵy tehnıkasy 97 paıyz daıyn - Saparhan Omarov
«Egis naýqanyn júrgizý úshin aýyl sharýashylyǵy quralymdarynda 141,7 myń traktor, 73,2 myń tuqymsepkish, 221,2 myń topyraq óńdeý quraly bar. Bir mezgilde birneshe tehnologııalyq operatsııalardy oryndaıtyn qazirgi zamanǵy egis keshenderi 4,3 myń birlikke deıin ulǵaıdy. Buǵan aýyl sharýashylyǵy tehnıkasyn satyp alý kezindegi memlekettik qoldaýdyń tıimdi sharalary yqpal etýde», - dedi mınıstr.
Onyń atap ótýinshe, «QazAgroQarjy» AQ aqparatyna sáıkes, jyldyń basynan bastap 24 mlrd teńgege 1 112 tehnıka, onyń ishinde 458 traktor, 28 kombaın jáne 626 ózge de tehnıkany satyp alý qarjylandyryldy.
«Osy jyldyń 29 naýryzyndaǵy jaı-kúı boıynsha kóktemgi dala jumystaryn júrgizýge aýyl sharýashylyǵy tehnıkasynyń daıyndyǵy 97 paıyzdy quraıdy. Tehnıkany daıyndaý josparly rejımde júzege asyrylýda. Jappaı jumys júrgizý aldynda tehnıka daıyndyǵy 100 paıyz quraıtyn bolady», - dedi Saparhan Omarov.