Egistik naýqany qarsańynda topyraqtyń ylǵaldylyǵy qanaǵattanarlyq - A.Kúrishbaev
ANA. 10 naýryz. QazAqparat /Marlan Jıembaı/ - Egistik naýqany qarsańynda topyraqtyń ylǵaldylyǵy qanaǵattanarlyq.
Bul týraly búgin selektorlyq formattaǵy Úkimet otyrysynda Aýyl sharýashylyǵy mınıstri Aqylbek Kúrishbaev málim etti.
«Aýa raıy jaǵdaıyna kelsek, «Qazgıdromet» RMK málimetteri boıynsha topyraqtyń joǵary qabatyndaǵy naqty kúzgi ylǵal qorlary men qysta túsken jaýyn-shashynnyń deńgeıi kóktemniń basynda topyraqtaǵy ylǵal qorynyń kóptegen astyq sebýshi aımaqtarda ortasha kópjyldyq kórsetkishter shamasynda, ıaǵnı qanaǵattanarlyq bolady de boljaýǵa múmkindik beredi», - dedi ol.
Bul paıymǵa kelisetindigin bildirgen QR Premer-Mınıstriniń birinshi orynbasary Ómirzaq Shókeev: «Respýblıkanyń batysynda qys basynda qajetti ylǵal qorynyń tek 50 paıyzy ǵana jınalǵan bolatyn. Degemen qysta jaǵdaı retteldi, qazir qanaǵattanarlyq dep aıtýǵa bolady. Soltústikte de ylǵal az bolatyn. Osy ýaqytta qys boıǵy sý qory jetkilikti jáne ortasha kópjyldyq deńgeıde. Shyǵysta tipti qar kúıindegi sý qory 200 mıllımetrge jetedi. Sondyqtan topyraqtyń ylǵaldaný jaǵdaıy jaqsy kúıde bolatyndyǵy kútilýde. Ońtústikte de topyraqtyń ylǵaldanýy táýir. Soǵan oraı tehnıkany, tuqymdy janarmaıdy ázirlep, egis naýqanyn belsendi uıymdasqan túrde ótkizýimiz kerek», - dedi.
