Egistik alqaptarynyń 37,8 paıyzynan astyq jınalyp bitti - AShM
ASTANA. 27 tamyz. QazAqparat - Tamyzdyń 25-si kúngi jaǵdaı boıynsha Qazaqstanda egistik alqaptarynyń 37,8 paıyzynan astyq jınalyp bitti.
«Aýyl sharýashylyǵy oblystyq basqarmalarynyń aqparatyna sáıkes, tamyzdyń 25-sine deıin 5854,4 myń gektardan astyq jınaldy. Bul jalpy egistik alqaptarynyń 37,8 paıyzyn qurap otyr. 4348,9 myń tonna egin bastryldy.. Jalpy túsim bir gektardan 7,4 tsentnerden aınalyp otyr», - dep habarlady QR Aýyl sharýashylyǵy mınıstrligi.
Aıta keteıik, mınıstrlik bıyl 13 mln. tonna astyq jınaýdy josparlap otyr. Negizgi sebep - jazdyń tym qurǵaq bolýy. Byltyr elimizde astyqtyń rekordtyq mólsheri - 27 mln. tonnasy jınalǵan bolatyn.
