Egistik alqaptary qurylymynyń ózgerýinde ońtaıly úrdis baıqalyp otyr
ASTANA. 15 mamyr. QazAqparat - Kóktemgi egis naýqanynyń jumystary josparly tártipte júrip jatyr.
Bul týraly búgin selektorlyq rejimdegi Úkimet otyrysynda QR Aýyl sharýashylyǵy mınıstri Asyljan Mamytbekov málim etti.
Mınıstrdiń sózine qaraǵanda, oblystardyń naqtylaǵan málimetteri boıynsha bıyl kóktemgi egistik aýmaǵy 18,8 mln. gektardy quramaq. Atap aıtqanda, aýyl sharýashylyǵy daqyldarynyń jalpy aýmaǵy 21,5 mln. gektarǵa jetip otyr. Onyń ishinde astyq tuqymdastary 16,2 mln. gektarǵa egiletin bolady, al maıly daqyldar 1,8 mln gektardy qamtymaq.
«Egistik alqaptary qurylymynyń ózgerýinde ońtaıly úrdis baıqalyp otyr. Máselen, mal jemi daqyldary egisteriniń aýmaǵy 300 myń gektarǵa kóbeıedi dep kútilýde. Sondaı-aq azyqtyq daqyldar egisi 10 paıyzǵa, kókónis, baqsha daqyldary jáne kartop egisteriniń aýmaǵy 2 paıyzǵa artady»,-dedi A. Mamytbekov.
