Egistik alqabynyń 59 paıyzy oryldy - Ómirzaq Shókeev
ASTANA. QazAqparat - Egin jınaý naýqanyn qazan aıynyń birinshi onkúndiginde aıaqtaýǵa múmkindik bar. Bul týraly búgin Úkimettiń selektorlyq rejimdegi otyrysynda QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev aıtty, dep habarlaıdy QazAqparat tilshisi.
«Aǵymdaǵy jylǵy 18 qyrkúıekke dándi daqyldar 8,9 mln gektardan astam alqaptan nemese jınalýǵa jatatyn alqaptyń 59 paıyzy jınaldy, 11,2 mln tonna astyq bastyryldy, túsim gektaryna 12,5 tsentner boldy. Áli 6,1 mln gektar alqaptan dándi daqyl jınalýy kerek», - dedi Ómirzaq Shókeev.
Onyń aıtýynsha, qolda bar egin jınaıtyn kombaındardyń kúndik ónimdiligi 800 myń gektarǵa jýyq bolǵanda jáne aýa raıy qolaıly bolǵan jaǵdaıda egin jınaýdy qazan aıynyń birinshi onkúndiginde aıaqtaýǵa múmkindik bar.
«Sonymen qatar túsken ylǵal óskinderdiń paıda bolýyna, aramshópterdiń kóbeıýine ákeledi, bul da egin jınaý jumystary kezinde qıyndyqtar týdyrýda Osyǵan baılanysty oblys ákimdikteri ónimdiligi joǵary egin jınaý tehnıkalaryn paıdalaný, egin jınaýǵa kedergi jasaıtyn problemalyq máselelerdi sheshý arqyly egin jınaý qarqynyn arttyrýy qajet», - dedi mınıstr.
