Egis naýqanyn júrgizýge 2,5 mln tonna tuqym daıyndaldy - Saparhan Omarov
«2020 jyldyń astyǵyna respýblıka boıynsha egis naýqanyn júrgizý úshin 2,5 mln tonna tuqym daıyndaldy, bul tuqymdyq materıalǵa degen qajettilikti tolyq qamtamasyz etedi. Búginde barlyq tuqymdar tekserildi, olar 100 paıyzǵa kondıtsııaǵa sáıkes keledi», - dedi mınıstr.
Onyń sózine qaraǵanda, joǵary reprodýktsııaly tuqymdar 99 paıyzdy qurady. Onyń ishinde
1-2-synypty egis standartyna 1,2 mln tonna kondıtsııalyq tuqymdar,
3-synybyna 400 myń tonna sáıkes keledi.
«Pavlodar jáne Batys Qazaqstan oblystaryna osy baǵyttaǵy jumysty kúsheıtý kerek», - dep toqtaldy S. Omarov.
Budan buryn habarlanǵandaı, 2020 jyly aýyl sharýashylyǵy daqyldaryn 22,5 mln gektar alańǵa egý josparlanýda, bul 2019 jylǵy deńgeıden 238 myń gektarǵa kóp. Dándi daqyldar alańy 14,9 mln gektardy quraıdy, bul ótken jylmen salystyrǵanda 191,6 myń gektarǵa kem.