Egıs Klımas: Qazaqstan boksshylaryn qoldaýǵa daıynbyz

ASTANA. KAZINFORM —  Tanymal kásipqoı boks menedjeri Egıs Klımas Astanada ótken Jánibek-Anaýel aıqasy aldyndaǵy baspasóz konferantsııasynda bolashaqta qazaqstandyq boksshylarmen jumys isteýge daıyn ekenin aıtty.

Egıs Klımas qazaqstandyqtarǵa sálem joldap, ystyq yqylaspen qarsy alǵany úshin alǵys aıtty.

- Barshańyzǵa qaıyrly kún! Ásem Astanaǵa taǵy kelgenime qýanyshtymyn. Ystyq yqylastaryńyz úshin kóp raqmet. Bul meniń qazaqstanǵa birinshi ret kelýim emes, elderińizde kóp boldym, osynda tanystarym da kóp, - dedi ol.

Tanymal menedjer bul kúnde qazaqstandyq tanymal boksshylarmen jumys istep jatyr.

- Iá, men kóptegen qazaqstandyq talantty boksshylarmen jumys istedim. Olardyń qatarynda Madııar Áshkeev, Qanat Islam, Jánibek Álimhanuly jáne Meıirim Nursultanov bar. Olar – myqty boksshylar. Aldaǵy ýaqytta jumys atqarýǵa daıynbyz. Eger basqa da jaqsy boksshylar bolyp jatsa, biz olardy qoldaımyz, - dedi Egıs.

Eske sala ketsek, Jánibek Álimhanuly 5 sáýir kúni Astana qalasynda kezekti jekpe-jegin ótkizip, chempıondyq beldikterin qorǵaıdy. Kásipqoı boks keshi elordadaǵy «Barys arena» sport kesheninde ótedi.

Osyǵan deıin habarlaǵanymyzdaı, qazaqstandyq kásipqoı boksshy Sultan Zaýrbek (19-0, 13KO) bolashaqta tanymal brıtanııalyq Matchroom Boxing promoýterlik kompanııasymen kelisimshart jasasýy múmkin.