Egıpettiń týrıstik sektorynyń ushýlardy toqtatýdan shyǵyny 500 mln. dollardy quraıdy
ASTANA. QazAqparat - Egıpet kýrorttaryna birqatar elderdiń bul elge ushýlardy toqtatýy saldarynan qys aılarynda qonaqúılerdi brondaýdy alyp tastaýdan keletin tikeleı shyǵyn 500 mln. dollardy quraıdy, dep habarlady RIA Novostı Egıpettiń týrıstik palatasy qaýymdastyǵy basqarmasynyń múshesi Hýsam ash-Shaırǵa silteme jasap.
«Birqatar elderdiń ushýlardy toqtatýynan jáne qys aılarynda qonaqúılerdi brondaýdy alyp tastaýynan keletin tikeleı shyǵyn 500 mln. dollarǵa jýyq qarjyny quraıdy. Bizdiń esepteýimiz boıynsha, eger bul másele taıaýdaǵy tórt-bes kúnniń ishinde sheshilmese, Egıpet jyl ishinde 2 mlrd. dollar joǵaltady», - dedi ash-Shaır.
Eske sala keteıik, reseılik jáne keńestik avıatsııa tarıhyndaǵy iri apat 31 qazanda boldy. «Kogalymavıa» avıakompanııasynyń Sharm-esh-Sheıhtan Sankt-Peterborǵa ushyp shyqqan Airbus A321 ushaǵy Sınaıda apatqa ushyrady. Onyń bortynda 217 joldaýshy jáne jeti ekıpaj múshesi boldy. Olardyń bári de qazaǵa ushyrady.
