Egıpettiń burynǵy prezıdenti 20 jylǵa sottaldy
ASTANA. QazAqparat - Kaır soty Egıpettiń burynǵy prezıdenti Mohammed Múrsıdi 2013 jyly «Al-Ittıhadııa» saraıynyń qasynda bolǵan narazylyq sharasyna baılanysty is boıynsha 20 jylǵa sottady, dep jazady khabar.kz.
Sottyń aıyptaý qorytyndysy boıynsha Múrsı oppozıtsııa ókilderin óltirýge ıtermelegen. «Musylman baýyrlar» qozǵalysy bılikten ketken prezıdentti qoldaý maqsatynda jurtshylyqty narazylyq sharalaryn ótkizýge shaqyrǵan bolatyn. Naýryz aıynda Egıpet bıligi Mohammed Múrsıdiń ólimge kesilgen jaqtastaryna qatysty alǵashqy sheshimdi iske asyrdy. Jazaǵa kesilgen azamat «Musylman baýyrlar» qozǵalysynyń jetekshisi bılikten ketirilgennen keıin 2013 jyly bolǵan qaqtyǵystar kezinde adam óltirgen dep tanyldy.
