Egıpettegi týrnırdiń úshinshi kúni qazaqstandyq eki balýan júldeli boldy

ALMATY. QazAqparat – Egıpettiń Aleksandrııa qalasynda kúres túrlerinen reıtıngtik týrnırdiń úshinshi kúni qazaqstandyq 2 balýan qola medalǵa ıe boldy. Bul týraly Qazaqstan kúres túrleri federatsııasynyń baspasóz qyzmetinde málim etti, dep habarlaıdy QazAqparat tilshisi.

Qazaqstan kúres túrleri federatsııasynyń baspasóz hatshysy Asfandııar Esenjolov habarlaǵandaı, Ibrahım Mustafa júldesine arnalǵan halyqaralyq týrnırdiń úshinshi kúni qazaqstandyq eki balýan, atap aıtqanda, grek-rım kúresinen 125 keli salmaqta ıÝsýp Batyrmýrzaev pen áıelder kúresinen 55 kelide Marına Sedneva qola medalǵa ıe boldy.

Búgin, ıaǵnı jarystyń sońǵy kúni balýandarymyz erkin kúresten synǵa túsedi.

Eske salaıyq, Egıpette ótip týrnırde buǵan deıin qazaqstandyq balýandar on medalǵa ıe boldy.

Sondaı-aq bıyl sáýir aıynda Astanada eresekter arasynda kúres túrlerinen Azııa chempıonaty ótetinin habarlaǵanbyz.