Egıpettegi týrnırdiń ekinshi kúni qazaqstandyq úsh balýan júldeli boldy

ALMATY. QazAqparat - Egıpettiń Aleksandrııa qalasynda kúres túrlerinen reıtıngtik týrnırdiń ekinshi kúni qazaqstandyq balýandar 1 kúmis, 2 qola medal aldy, dep habarlaıdy QazAqparat tilshisi.

Ibrahım Mustafa júldesine arnalǵan halyqaralyq týrnırde grek-rım kúresinen 77 keli salmaqta Demeý Jadyraev kúmis medal aldy.

Sondaı-aq, 72 kelidegi Danııar Qalenov pen áıelder kúresinen 76 kelidegi Elmıra Syzdyqova týrnırdiń qola júldesin enshiledi.

25 jáne 26 aqpan kúnderi áıelder kúresi jáne erkin kúresten balýandar saıysqa túsedi.

Eske salaıyq, Egıpettegi týrnırdiń alǵashqy kúni qazaqstandyq balýandar 7 medal alǵan bolatyn.

Sondaı-aq bıyl sáýir aıynda Astanada eresekter arasynda kúres túrlerinen Azııa chempıonaty ótetinin habarlaǵanbyz.