Egıpettegi týrnırdiń alǵashqy kúninde qazaqstandyq balýandar 7 medal aldy
ASTANA. QazAqparat - Egıpettiń Aleksandrııa qalasynda kúres túrlerinen reıtıngtik týrnırdiń alǵashqy kúninde grek-rım kúresinen qazaqstandyq balýandar 2 altyn, 2 kúmis, 3 qola medal aldy, dep habarlaıdy QazAqparat tilshisi.
Ibrahım Mustafa júldesine arnalǵan halyqaralyq týrnırde 55 keli salmaqta úzdik úsh oryndy qazaqstandyq Amanǵalı Bekbolatov, Marlan Muqashov, Ishar Qurbaev ózara bólisti.
Taǵy bir altyn júldeni Mereı Bekenov (67 keli) alsa, ekinshi kúmis medal Ernar Fıdahmetke (60 keli) buıyrdy.
Sondaı-aq, «qolaǵa» Dastan Zarlyhan (63 keli), Álimhan Syzdyqov (130 keli) qol sozdy.
Endi 24 aqpanda grek-rım kúresinen 72, 77, 82, áıelder kúresinen 57, 62, 68, 76 keli salmaqta júldeler sarapqa salynady.
Al 25 jáne 26 aqpan kúnderi áıelder kúresi jáne erkin kúresten balýandar saıysqa túsedi.
Eske salsaq, bokstan «Strandja» kýbogynda qazaqstandyń eki boksshy 1/4 fınalǵa shyqty.
Sýret: Birikken kúres álemi (UWW)
