Egıpettegi týrnır aıaqtaldy: qazaqstandyq balýandar 13 medal jeńip aldy
ALMATY. QazAqparat – Egıpettiń Aleksandrııa qalasynda kúres túrlerinen reıtıngilik týrnırdiń sońǵy kúni qazaqstandyq 1 balýan qola medalǵa ıe boldy. Bul týraly Qazaqstan kúres túrleri federatsııasynyń baspasóz qyzmetinde málim etti, dep habarlaıdy QazAqparat tilshisi.
Qazaqstan kúres túrleri federatsııasynyń málimetinshe, Ibrahım Mustafa júldesine arnalǵan halyqaralyq týrnırdiń sońǵy kúni erkin kúresten 57 kelide Rahat Qaljan qola medalǵa ıe boldy.
Osylaısha Qazaqstan quramasy bul jolǵy dodany 2 altyn, 3 kúmis, 8 qola júldemen qorytyndylady.
Eske salaıyq, buǵan deıin Egıpettegi týrnırdiń alǵashqy kúni qazaqstandyq balýandar 7 medal, ekinshi kúni 3 medal, úshinshi kúni 2 medal jeńip alǵan edi.Sondaı-aq, bıyl sáýir aıynda Astanada eresekter arasynda kúres túrlerinen Azııa chempıonaty ótetinin habarlaǵanbyz.