Egıpettegi Soltústik Sınaıda eki lańkestik akti boldy
ASTANA. QazAqparat - Egıpettiń Soltústik Sınaı provıntsııasynyń El-Arısh qalasynda bolǵan jarylystar saldarynan keminde eki adam mert bolyp, altaýy zardap shekti, dep habarlady RIA Novostı.
Sınhýa agenttiginiń jergilikti polıtsııa men kýágerlerge silteme jasap habarlaýynsha, bir jarylys El-Arısh qalasyndaǵy prokýratýra men polıtseı ýchaskesi mańynda bolǵan, dep habarlady agenttikke kýáger. Oqıǵa ornyna jedel járdem keldi, biraq ta qurban bolǵandar týraly aqparat túsken joq. Kýágerdiń aıtýynsha, jarylystan keıin atys estilgen.
Polıtsııanyń aıtýynsha, sondaı-aq qalada polıtseı avtomobıli jarylǵan, onyń saldarynan bir polıtsııa qyzmetkeri men bir beıbit turǵyn mert bolǵan, alty polıtseı zardap shekken.
«Jarylys kúshti boldy, zardap shekken qyzmetkerler El-Arıshtegi gospıtalǵa jóneltildi», degen derekkózdiń sózin keltiredi Sınhýa.
Ázirge birde-bir top oqıǵa úshin jaýapkershilikti moınyna alǵan joq.
