Egıpettegi qazaqstandyq týrıster kýrorttyq aımaq sheginen shyqpaǵan jón - Týrızm ındýstrııasy komıteti
ASTANA. QazAqparat - Qazaqstan Respýblıkasy Indýstrııa jáne saýda mınıstrliginiń Týrızm ındýstrııasy komıteti Egıpettegi lańkestikterge baılanysty demalýshylarǵa kýrorttyq aımaq sheginen shyqpaý týraly eskertedi. Bul týraly vedomstvonyń baspasóz qyzmetinen habarlady.
«25 maýsymda Kaır metropolıteninde eki adam zardap shekken jarylysqa baılanysty Qazaqstan Respýblıkasy Indýstrııa jáne saýda mınıstrliginiń Týrızm ındýstrııasy komıteti Egıpette demalystaǵy qazaqstandyq týrısterge kýrorttyq aımaq sheginen shyqpaýǵa jáne lańkestik jáne krımınaldyq qaýipter basym qalalar men aýdandarǵa barmaý jaıly eskertedi», - dep jazylǵan habarlamada.
