Egıpettegi Hýrgada jaǵalaýynda taǵy da akýla paıda boldy

ASTANA. KAZINFORM – Qyzyl teńizdegi áıgili Hýrgada kýrortynda akýlanyń paıda bolǵany týraly habardan keıin Mysyr úkimeti qajetti sharalardy qabyldaǵanyn habarlady. Bul týraly Al Masry Al Youm basylymy jazdy.

Basylymnyń málimetinshe, keshe Al-Gýna aýdanyndaǵy Abý Mınkar aralynyń mańynda akýla kóringen. Qoryq basshylyǵy akýlany baqylaý sharalaryn bastaǵan. Olar jaǵalaýǵa sýǵa túsýge barǵysy keletinderdi óte saq bolýǵa shaqyrady.

2023 jyldyń Maýsym aıynda Reseı turǵyny jyrtqyshtyń qurbany bolǵan edi, ony eshkim qutqara almady. Qyrkúıektiń ortasynda Mysyrdyń Qorshaǵan ortany qorǵaý mınıstrligi Sınaı túbegindegi Dahab qalasynyń jaǵalaýynda akýladan jergilikti halyqtyń ókili de zardap shekkenin habarlady.