Egıpette jańa konstıtýtsııa jobasy referendýmǵa shyǵarylmaq
ASTANA. 3 jeltoqsan. QazAqparat - «Egıpette 25 jeltoqsanda jańa konstıtýtsııa jobasy jalpyhalyqtyq referendýmǵa shyǵarylady» dep habarlady Egıpet prezıdenti Muhammed Mýrsı.
Arnaýly konstıtýtsııalyq assambleıa tóraǵasy Hýsam ál-Garıanıdiń aıtýyna qaraǵanda, 1971 jylǵy konstıtýtsııany negizinde jasalǵan jańa konstıtýtsııa burynǵy konstıtýtsııalyq deklaratsııalardyń barlyǵynyń kúshin joıady. Jańa konstıtýtsııadaǵy 234 baptyń árqaısysy jeke-jeke daýys berý arqyly qabyldanǵan.
«Buryn Egıpettiń birde-bir konstıtýtsııasynda kórsetilmegen quqyqtar men bostandyqtardy beretin jańa konstıtýtsııany qoldaýǵa shaqyramyz» dep málimdedi ál-Garıanı.
Bul málimdeme jasalǵan kezde Kaır ýnıversıtetinde prezıdentti qoldaýshy júzdegen myń stýdent jınalyp, jańa konstıtýtsııamen qatar sharıat shormalaryn da engizýdi surady. Olar ózderiniń 15 mıllıonnan asa jaqtaýshylar bar ekenin, biraq arab telearnalary bir mıllıonnan sál-aq asady degen habar taratyp otyrǵanyn aıtady.
Al olardan birneshe shaqyrym jerde zaıyrly qoǵamdy jaqtaýshy partııalar men qozǵalystardyń jıyny ótti. Olar ózderi talqylaýǵa qatystyrylmaǵan jańa konstıtýtsııaǵa úzildi-kesildi qarsylyqtaryn bildirdi, dep habarlaıdy «Azattyq».
