Egıpette taǵy da gaz qubyryn jardy
ASTANA. 28 qarasha. QazAqparat - Egıpette taǵy da Izraılge otyn jetkizetin gaz qubyryn jardy, dep habarlady RBK agenttigi.
Lańkestik akti Soltústik Sınaı aýdany ortalyǵynan shamamen 20 shaqyrym jerde boldy. Kýágerlerdiń aıtýynsha, qubyr jarylǵan jerde jalyn bıiktigi 20 metrge kóterilgen jáne onyń qasynan ótetin tas jolda anyq kóringen.
Egıpet ókimet oryndary jarylysqa Izraılge otyn jetkizilýine qarsylyq bildirgen jergilikti uıymdar belsendileriniń qatysy bar dep topshylaıdy.
Atap óterligi, 2011 jyly aqpanda Hosnı Múbarak taqtan taıdyrylǵannan beri gaz qubyrynyń osy ýchaskesin toǵyz ret jarǵan. Gaz qubyryndaǵy búgingi jarylys egıpet parlamentine saılaý bastalýyna birneshe saǵattar qalǵan kezde oryn alyp otyr.
