Egıpette sot 31 adamdy ólim jazasyna kesti

ASTANA. QazAqparat - Kaırdiń Qylmystyq soty Bas prokýror Hısham Barakattyń ólimine qatysy bar dep aıyptalyp otyrǵan 31 adamdy ólim jazasyna kesti, dep habarlaıdy «Kommersant» Reuters agentigine silteme jasap.

Úkimniń kúshine enýi úshin qujatty eldiń Joǵarǵy múftıi bekitý kerek. Qorytyndy sheshim 22 shildede shyǵady. Osy kúni sot atalǵan iske qatysty qalǵan 36 adamǵa qatysty da qorytyndy sheshim shyǵarmaq. Olarǵa Bas prokýrorǵa qastandyq jasap, ony júzege asyrdy, atys qarýy men jarylǵysh zattardy daıyndady degen aıyp taǵylyp otyr.

Esterińizge sala keteıik, Hısham Barakat 2015 jyldyń maýsymynda Egıpet astanasynda kóligin jaryp jibergen soń alǵan jaraqattarynyń saldarynan mert boldy. 2016 jyldyń naýryzynda kisi ólimine qatysy bar 6 kúdikti tutqyndady. Olardyń barlyǵy da «Musylman baýyrlar» uıymynyń belsendileri bolatyn.

Egıpettiń ІІM-niń ókilderi qastandyq áreketine «Hamas» uıymynyń músheleriniń de qatysy bolýym múmkin dep eseptegen edi. Alaıda, qozǵalys músheleri bul aqparatty rastamady.