Egıpette kóne kún saǵaty tabyldy
ASTANA. 17 naýryz. QazAqparat - Bazel ýnıversıtetiniń ǵalymdary Egıpette álemdegi eń kóne kún saǵattardyń birin tapty.
3,3 myń jyl buryn qoldanysta bolǵan saǵatty arheolog-ǵalymdar Patshalar Alqaby dep atalatyn mazar mańynan tapqan. Kóne jádiger sheńber tárizdes jáne kólemi as ishetin ydystyń úlkendigindeı. Іshine qara boıaýmen jarty sheńber keskindelgen, sondaı-aq 12 birdeı bólikke bólingen.
Saǵattyń ortasyndaǵy oıyqtyń tereńdigi 16 santımetr. Іshinde aǵashtan nemese metaldan jasalǵan tili bolǵan. Kún sáýlesi saǵatqa túsken kezde, álgi tildiń kóleńkesi ýaqytty shamamen anyqtaǵan kórinedi.
Qundy jádiger pıramıda soǵýmen aınalysqan jumysshylardyń tas úıiniń qasynan tabylǵan. Bul jaıynda «Interfaksqa» silteme jasaǵan BAQ.KZ habarlady.
