Mysyrda qazaqstandyq týrıster mingen avtobýs apatqa ushyrady

ASTANA. KAZINFORM — Mysyrda TMD týrısteri mingen avtobýs aýdaryldy, dep habarlaıdy TASS aqparat agenttigi Cairo 24 basylymyna silteme jasap.

Jol-kólik oqıǵasy saldarynan 40-tan astam adam zardap shekti. Olardyń kópshiligi Reseı men Ýkraınadan kelgen týrıster.

«Zardap shekkenderdiń 31-i — Reseı men Ýkraınadan, úsheýi — Qazaqstannan, úsheýi — Ázerbaıjannan, taǵy tórteýi mysyrlyq ekeni anyqtaldy. Zardap shekkenderdiń barlyǵy medıtsınalyq kómek kórsetý úshin aýrýhanaǵa jetkizildi. Bolǵan jaıtqa qatysty tıisti hattama jasaldy. Sondaı-aq, qajetti sharalar qabyldandy», — dep jazady basylym.

Apat Sýets shyǵanaǵynyń jaǵasyndaǵy Ras-Sıdr qalasynyń mańynda bolǵany belgili.

Oqıǵanyń sebepteri anyqtalyp jatyr.

Eske salsaq, Qytaı túnde týrıstik oryndardy kúzetý úshin robottardy paıdalanyp jatqany habarlandy.