Egıpette Ehnaton perǵaýynnyń «basy» tabyldy
ASTANA. QazAqparat - Arheologtar Nildiń shyǵys jaǵalaýyndaǵy Tel-ál-Amarnadan Ehnaton perǵaýynnyń jaqsy saqtalǵan bas músinin tapty, dep jazady BELTA.
Statýıa basynyń uzyndyǵy - 13,5 sm, al eni - 8 sm. Zertteýshiler qazirge ejelgi músinniń munshalyqty jaqsy saqtalýynyń sebebin jáne onyń jasyn anyqtaı almaı otyr.
Ehnaton ejelgi Egıpettiń tanymal perǵaýyndarynyń biri, ol bizdiń zamanymyzǵa deıingi 1353-1336 jyldary ómir súrgen.
Ejelgi Egıpettiń dinı jáne áleýmettik ómirinde kóptegen ózgerister jasaǵan perǵaýyn kún dıskisiniń keıpindegi Aton qudaıǵa tabynýǵa da shaqyrdy. Onyń tusynda qurylystyń jaǵa tehnologııalary jasaldy, máselen, 700 metrlik Ehnaton aq saraıy ejelgi zamannyń iri sáýlet eskertkishteri retinde atalady. Degenmen onyń syrtqy saıasattaǵy jetistikteri kóp bolmady, kórshi eldermen qatynastary nasharlap ketti. Joramaldardyń birine súıensek, Ehnaton ýlanyp ólgen.
