Egıpette belgisiz perǵaýynnyń múrdesi tabyldy
ASTANA. 19 qańtar. QazAqparat - Amerıkandyq arheologtar Mysyrdan buryn aty beımálim bolǵan perǵaýyn Senebkeıdiń súıegin tapty. Ol 3700 jyl buryn el basqarǵan, dep jazdy Rossııskaıa gazeta.
Perǵaýynnyń mazaryn Pensılvanııa Ýnıversıtetiniń ǵalymdary Kaırdan 500 shaqyrym jerdegi Ońtústik Abıdostan tapqan. Múrdeniń Senebkeıdiki ekenin ǵalymdar moladaǵy bıleýshiniń aty-jóni jazylǵan tańbalardan bilgen.
Budan bólek, zertteýshiler sol mańaıdan mysyrlyqtardyń adam ólgen kezde jasaıtyn salt-joralǵysyna qoldanatyn qumyra tapqan. Alaıda, qumyranyń ishindegi baǵaly zattar qoldy bolǵan desedi.
