Egıpette bádáýıler Sharm-el-Sheıhke barar joldy qorshap aldy
ASTANA. 21 qyrkúıek. QazAqparat - Birneshe ondaǵan bádáýıler sársenbige qaraǵan túni polıtsııaǵa narazylyq sharasy retinde Egıpettegi Sınaıa túbeginde Kaır - Sharm-el-Sheıh jáne Sharm-el-Sheıh - Dahab baǵytyndaǵy tas joldaryn basyp aldy, dep habarlaıdy Ytro.ru.
Jergilikti BAQ málimetteri boıynsha, qazirgi ýaqytta áıgili qyzylteńizdik kýrorttar Sınaıa men Egıpet astanasyn jalǵaıtyn joldar Sýets arnasy túbindegi tonnel aýmaǵynda jabylǵan. Odan bólek, Sharm-el-Sheıhten basqa tanymal kýrorttyq qala - Dahabqa shyǵatyn jol da qorshaýǵa alynypty. Bádáýıler jol jıeginde dóńgelekter jaǵyp, avtokólikterdi ótkizbeı tastaǵan. Sonyń saldarynan Sýets arnasynyń túbindegi tonnel mańynda úlken avtokólik keptelisi túzildi.
Narazylyq sharasyn uıymdastyrýǵa jaqyn arada Sharm-el-Sheıh aýdanynda jer telimin jalǵa berýshimen jalǵa berý quny jaıynda sózge kelisip qalǵan eki jergilikti turǵynnyń qamaýǵa alynýy sebep bolǵan.
