Egıpette 500-den astam adam prezıdenttik saılaýǵa qatysýǵa ótinish bildirdi
ASTANA. 15 naýryz. QazAqparat - Egıpette 500-den astam adam prezıdenttik saılaýǵa qatysýǵa ótinish berdi. Bul týraly RBK saıty habarlady.
Aıta keteıik, bul saılaý 2011 jyldyń aqpan aıynda burynǵy prezıdent Hosnı Mýbaraktyń otstavkaǵa ketýinen keıin ótkizileıin dep turǵan birinshi saılaý. Prezıdenttikke úmitker qatysýshylar kem degende eldiń 15 eldi mekeninen 30 myń egıpettiktiń nemese 30 depýtattyń qoldaýyna ıe bolýy kerek, dep habarlady Associated Press agenttigi.
Egıpet eliniń prezıdenttigine arab memleketteri Lıgasynyń burynǵy basshysy Ámir Musa jáne burynǵy premer-mınıstri general-leıtenant Ahmed Shafık jetekshi kandıdat retinde tanylyp otyr.
Prezıdenttikke úmitker bolyp otyrǵan tanymal adamdardan basqa úı sharýasyndaǵy áıelder, oqytýshylar, jýrnalıster, sot bıleri, qorǵaýshylar, aspazdar, meıramhananyń ıeleri jáne basqa da salanyń ókilderi ótinish bildirdi.
Kandıdattardy tirkeý 2012 jyldyń 10 naýryzynan bastalyp 8 sáýirge deıin jalǵasady. Saılaý 23-24 mamyrda bolady.
