Egıpet úkimetinde on mınıstrliktiń basshylary aýysty
ASTANA. 6 qańtar. QazAqparat - Egıpet úkimetinde aýysýlar oryn aldy. 35 mınıstrliktiń 10-ynyń, sonyń ishinde ishki ister jáne qarjy mınıstrlikteriniń basshylary aýysty, dep habarlady ITAR-TASS.
Egıpettiń MENA aqparattyq agenttiginiń habarlaýynsha, ІІM jańa basshysy bolyp general Muhammed Ibragım taǵaıyndaldy, qarjy mınıstrligin Ál-Mýrsı Hıgazı basqaratyn boldy.
Sondaı-aq oryn aýystyrýlar kólik, azamattyq avıatsııa, energetıka, áleýmettik qamsyzdandyrý, kommýnıkatsııa jáne aqparattyq tehnologııalr mınıstrlkterin, parlament isteri, jergilikti damý jáne qorshaǵan ortany qorǵaý memlekettik mınıstrlikterin de qamtydy. Jeksenbi kúni jańa mınıstrler EAR prezıdenti Muhammed Mýrsıge ant beredi.
Ol ótken jyldyń jeltoqsany aıynyń sońyndaǵy halyqqa joldaýynda eldiń jańa konstıtýtsııasynyń kúshine enýine baılanysty premer-mınıstr Hısham Kandılge kabınette «aǵymdaǵy yǵyttarǵa jaýap bere alatyn» birqatar qajetti almastyrýlar jasaýǵa tapsyrma bergenin habarlady.
Úkimettiń jańartylǵan quramy jańa parlamenttiń qalyptasýyna deıin jumys isteıtin bolady, saılaý kúni 2013 jylǵy aqpan aıynyń sońyna deıin belgilenýi tıis.
