Egıpet soty «Musylman baýyrlardyń» 10 kóshbasshysyn ólim jazasyna kesti
ASTANA. QazAqparat - Egıpet soty elde tyıym salynǵan «Musylman baýyrlar» qozǵalysynyń 10 jaqtasyn syrttaı ólim jazasyna kesti. Arasynda qozǵalys kóshbasshysy Mohammed Badı bar taǵy 38 belsendisine úkim shilde aıynda shyǵarylady, dep habarlady RBK.
Úkim shyǵarylǵandar «Musylman baýyrlardy» qoldaǵan ıslamshy-prezıdent Mohammed Mýrsıdi áskerıler taqtan taıdyrǵan 2013 jylǵy shildede Egıpette zombylyq kórsetýge arandatýǵa aıyptaý boıynsha sottaldy.
Budan buryn 2014 jylǵy 21 mamyrda sot «Musylman baýyrlardyń» 155 jaqtasyna ártúrli merzimderge túrmede otyrýǵa úkim shyǵardy. Uıymnyń 54 jaqtasy ómir boıy túrmede otyrýǵa, qalǵandary - 3 jyldan 10 jylǵa deıin sottaldy. 18 mamyrda sot osy qozǵalystyń 160 jaqtasyn 15 jylǵa deıin túrmede otyrýǵa úkim shyǵardy.
Mýrsı qulaǵannan keıin 2013 jylǵy shildede onyń jaqtastary men qarsylastarynyń qaqtyǵystarynda 1 myńnan astam adam qazaǵa ushyrady. «Musylman baýyrlar» partııasynyń birneshe myń jaqtastary qazir túrmelerde otyr.
