Egıpet soty eldiń eks-prezıdenti Hosnı Múbárakty aqtady
ASTANA. QazAqparat - Egıpettiń Joǵarǵy apellıatsııalyq soty 2011 jyly onyń memleketti basqarýyna qarsy ótken jappaı sherý kezinde mert bolǵandardyń ólimi boıynsha aıyptalǵan eldiń burynǵy prezıdenti Hosnı Múbárakty aqtady, dep habarlaıdy Bı-bı-sı.
Іsti tyńdaý beısenbide keshke deıin jalǵasty. Qorytyndysynda sýdıa ómir boıy bas bostandyǵynan aıyrý jazasy taǵaıyndalǵan burynǵy prezıdentti kinásiz dep tapty. Sonymen qatar sot sherý kezinde qaza tapqandardyń týǵan-týystarynyń azamattyq qýynym boıynsha isti qaıta qozǵaý jónindegi ótinishterin qabyldaǵan joq.
Múbárak sońǵy birneshe jyldan beri densaýlyǵy nasharlaǵandyqtan gospıtalda jatyr. Biraq osy sot protsesine ózi qatysty. Sotqa ony tikushaqpen jetkizgen.
Eske sala ketsek, Mýbarak 1981- 2011 jyldar aralyǵynda Egıpet prezıdenti laýazymynda boldy. Ol 2011 jylǵy qysta bastalǵan eldegi jappaı narazylyq saldarynan qyzmetimen qoshtasýǵa májbúr boldy. Qarsylyq bildirgender elde prezıdenttiń otstavkasyn jáne ekonomıkalyq reformany talap etti.
