Egıpet sottary prezıdent Mýrsıge qarsy shyqty
ASTANA. 26 qarasha. QazAqparat -Egıpet sýdıalarynyń joǵarǵy kollegııasy prezıdent Mýrsıdiń jańa konstıtýtsııalyq deklaratsııasyna qarsylyq belgisi retinde Egıpettiń búkil aýmaǵyndaǵy sottar men prokýrorlardyń qyzmetin toqtatý týraly sheshim qabyldady.
Bul týraly Joǵarǵy kollegııanyń tótenshe otyrysynda tóraǵa Ahmed Zand málim etti, dep habarlaıdy «Azattyq».
Zandtyń sózine qaraǵanda, atalǵan eki salanyń qyzmeti jeksenbiden, ıaǵnı 25 qarashadan bastap toqtaýy tıis. Sondaı-aq tótenshe otyrysta sársenbiden bastap Egıpet sot korpýsy ókilderiniń ereýili bastalatyny habarlandy. Olardyń sózine qaraǵanda, bul ereýil Mýrsı ózi qabyldaǵan konstıtýtsııalyq deklaratsııanyń kúshin joıǵanǵa deıin jalǵasady.
Osyǵan deıin Egıpettiń birqatar iri qalalarynyń sýdıalary óz jumystaryn toqtatatyny týraly málimdegen.
Ótken beısenbide Egıpet prezıdenti Muhammed Mýrsı jarııalaǵan jańa konstıtýtsııalyq deklaratsııany demokratııashyl kúshter «tóńkeriske» teńep, Mýrsıdi «jańa perǵaýyn» dep synaǵan.
