Egıpet Sırııamen jáne B.Asad rejımimen dıplomatııalyq qatynastardy toqtatady
ASTANA. 16 maýsym. QazAqparat - Egıpet Sırııamen barlyq dıplomatııalyq baılanystardy toqtatady, dep habarlady RosBıznesKonsaltıng.
El prezıdenti Muhammed Mýrsı Kaırde súnnıt ımamdar jıynynda sóılegen sózinde osyndaı málimdeme jasady.
«Búgin biz Sırııamen jáne Bashar Asadtyń rejımimen dıplomatııalyq baılanystardy tolyq toqtatýǵa sheshim qabyldadyq», dedi M.Mýrsı. Ol 2012 jyly jazda eldi kóp jyl bılegen Hosnı Múbarakty taqtan taıdyrǵan tóńkeristen keıin Egıpet prezıdenti laýazymyna otyrǵan bolatyn.
M.Mýrsıdiń aıtýynsha, Kaır sondaı-aq sırııalyq rejım jaǵynda urystar júrgizýge qatysyp otyrǵan lıvandyq «Hezbollah» qozǵalysyn da qoldamaıdy. «Egıpet «Hezbollahtyń» Sırııadaǵy qımylyna jáne onyń sırııa halqyna qarsy agressııasyna da qarsy», dep atap ótti Egıpet prezıdenti. Ol qozǵalys qatysýshylaryn elden ketýge shaqyrdy.
Sırııadaǵy bılik pen oppozıtsııanyń áskerı janjaly 2011 jyldyń naýryzynan jalǵasyp keledi. Oppozıtsııa B.Asadtyń otstavkaǵa ketýin talap etip, úkimet kúshteri beıbit halyqqa zombylyq jasap otyr dep aıyptaıdy. Resmı Damask demokratııalyq urandardy jeleý etip, elde sheteldik radıkaldyq ıslamıster toptary qoldap otyrǵan «qarýlanǵan lańkester bandalary» áreket etýde degen ýáj aıtady.
BUU-nyń sońǵy málimetteri boıynsha, Sırııadaǵy qarýly qaqtyǵys bastalǵaly 93 myńnan astam adam qazaǵa ushyraǵan.
