Egıpet Prezıdenti N. Nazarbaevty prezıdenttik saılaýdaǵy jeńisimen quttyqtady
ASTANA. QazAqparat - Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Egıpet Prezıdenti Abdel Fattah as-Sısıden quttyqtaý jedelhaty kelip tústi. Bul týraly Aqordanyń baspasóz qyzmeti habarlady.
Abdel Fattah as-Sısı Nursultan Nazarbaevty prezıdenttik saılaýdaǵy jeńisimen shyn júrekten quttyqtaıtynyn jetkizgen.
«Sizdiń qajyrly qyzmetińiz memleketti damytý men órkendetýge baǵyttalǵan. Ekijaqty yntymaqtastyqty odan ári damytýǵa jáne eki el halqynyń ıgiligi úshin dostyq, tarıhı baılanystarymyzdy keńeıtýge nıettestik bildirýge ruqsat etińiz», - delingen jedelhatta.
Sońynda Egıpet Prezıdenti Nursultan Nazarbaevqa myqty densaýlyq, al Qazaqstan halqyna tatýlyq pen baq-bereke tiledi.
