Egıpet Prezıdenti N. Nazarbaevty prezıdent saılaýyndaǵy tarıhı jeńisimen quttyqtady

ASTANA. QazAqparat - Memleket basshysy Nursultan Nazarbaev telefon arqyly Egıpet Prezıdenti Ábdel Fattah as-Sısımen sóılesti, dep habarlaıdy Aqordanyń baspasóz qyzmeti.

Egıpet Prezıdenti Ábdel Fattah as-Sısı Memleket basshysyn prezıdent saılaýyndaǵy tarıhı jeńisimen jáne qyzmetine kirisýimen quttyqtady.

Áńgimelesý barysynda eki memleket kóshbasshylary Qazaqstan-Egıpet yntymaqtastyǵynyń basymdyǵy bar baǵyttaryn talqylap, saýda-ekonomıka salasyndaǵy ózara is-qımyldy jandandyrý joldaryn pysyqtady.

Ábdel Fattah as-Sısı elderimiz arasyndaǵy san ǵasyrlyq dostyq pen ózara tıimdi yntymaqtastyqqa negizdelgen qarym-qatynastyń aldaǵy ýaqytta da Qazaqstan men Egıpettiń dostas halyqtary múddesine tıimdi qyzmet ete beretinine senim bildirdi.