Egıpet pen AQSh Gaza sektoryna gýmanıtarlyq kómek jetkizýge kelisti

Egıpet prezıdenti Abdel Fattah as-Sısı Gaza sektoryna gýmanıtarlyq kómek tıelgen 20 júk kóligin ótkizý úshin Rafah baqylaý-ótkizý pýnktin ashýǵa kelisti. Kazinform bul týraly BBC basylymyna silteme jasap habarlaıdy. 

AQSh prezıdenti Djo Baıden jýrnalısterge jol jóndelip jatqandyqtan kómek jumadan keıin jetetinin málim etti.

«Olar jol jóndeıin dep jatyr. Júk kólikteri óte alý úshin shuńqyr jerlerdi tegisteý kerek», - dedi ol sársenbi kúni jýrnalısterge.

Baıden 20 júk kóligi alǵashqy bólik ekenin atap ótti. Jalpy gýmanıtarlyq kómek retinde 150 kólik jiberý josparlanǵan.

AQSh pen Egıpet arasyndaǵy kelisim prezıdent Baıdenniń Izraılge sapary kezinde ornatyldy.

Izraıl Gaza sektorynda aýrýhananyń jarylýyna qatysy joq ekenin aıtty. Jergilikti sheneýnikterdiń habarlaýynsha, palestınalyq beıbit turǵyndar panalap otyrǵan aýrýhanada bolǵan jarylystan 471 adam qaza tapqan.

Izraıl jarysty uıymdastyrǵan Hamas dep málimdep, jarylysqa palestınalyq zymyran sebep bolǵanyn aıtty.

7 qazanda HAMAS-tyń Izraılge shabýylynan bastalǵan soǵys qımyldary saldarynan 1400-ge jýyq Izraıl azamaty men 3500-ge jýyq palestınalyq qaza tapty.