Egıpet qonaqúıinde júzdegen Reseı saıahatshylary as-sýsyz qaldy
ASTANA. 1 mamyr. QazAqparat - Egıpettiń Sharm-el-Sheıh kýrorttyq qalasyndaǵy besjuldyzdy Savita qonaqúıinde birneshe júzdegen Reseı saıahatshylary tamaqsyz jáne sýsyz qaldy,olar osymen ekinshi kún tamaq jáne aýyzsý ala almaı otyr.
Munan basqa, demalýshylardyń sózine qaraǵanda, olardyń nómirlerin eshkim jınamaıdy, dep habarlaıdy Rosbalt.
Máskeý saıahatshysynyń sózine qaraǵanda, qonaqúıde eshqandaı qyzmet kórsetýshi qyzmetker joq, meıramhana bos, barlyq barlar jabyq. Anımatorlar ashanada tamaqty ózderi daıyndaıdy jáne saıahatshylarǵa úlken kólemde ishimdikter usynady.
Janynan bezgender basshylyqqa deıin jetkizedi, saıahatshylar qazir qonaqúı qaqpasynyń aldynda ózine nazar aýdarýdy talap etip, mıtıng ótkizip jatyr. alaıda, ázirge eshkim demalýshylardyń máselesimen aınalysqysy kelmeıdi. «Koral Trevel» týrıstik operatorynyń ókilderimen baılanysý qıyn - olar tańerteńnen kelemiz dep ýáde etken, biraq áli kúnge olardyń eshqaısysy kelgen joq, - dep habarlaıdy ınternet-BAQ.
Reseıdiń Týrıstik operatorlar qaýymdastyǵynyń dırektory Maııa Lomıdze habarlaǵandaı, Reseı saıahatshylary atalǵan qonaqúıge dúısenbi kúni keldi. Bul ýaqytta qonaqúıde basshylyqtyń aýysýy bolǵan, osy kezde jańa basshylar bul týraly «Koral Trevel» kompanııasyna habarlamaı, qyzmetkerdi jumystan shyǵarǵan.
Basqa sheteldik saıahatshylardy óz týrıstik operatorlary basqa qonaqúılerge aýystyrdy. Qonaqúıde tek reseılikter qaldy.
RF elshiliginiń Kaırdaǵy konsýldyq bólimi jaǵdaıdy óz baqylaýyna aldy, dıplomattar bolǵan oqıǵanyń barlyq jaǵdaılaryn anyqtaýǵa tyrysýda.
