Egıpet eki kúnniń ishinde $30 mlrd ınvestıtsııa tarta aldy
ASTANA. QazAqparat - Halyqaralyq ekonomıkalyq konferentsııa barysynda Egıpet nebári eki kúnniń ishinde $30 mıllıardtan astam ınvestıtsııa tarta aldy.
Bul týraly mysyr eliniń josparlaý jáne ákimshilik reformalar mınıstri Ashraf Arabı málim etti, dep habarlaıdy RIA "Novostı".
Álemniń 89 elinen kelgen delegatsııa Sharm-esh-Sheıh qalasynda keshe, senbide ashylǵan ekonomıkalyq damý jáne ınvestıtsııa jónindegi halyqaralyq konferentsııaǵa qatysýda.
«Qazirdiń ózinde, ıaǵnı forým jumysynyń ekinshi kúni el ekonomıkasyna salynǵan ınvestıtsııa $30 mıllıardtan astam qarjyny qurady»,- deıdi Ashraf Arabı.
Sondaı-aq ol ınvestıtsııalyq konferentsııanyń jyl saıyn ótkizilýi múmkin ekendigin de joqqa shyǵarmady.
