Egıpet bıligi Qazaqstanǵa izdeýde júrgen adamdy ustap berdi

ASTANA. QazAqparat -  Búgin Bas prokýratýra qyzmetkerleri Qazaqstannyń ІІM Interpolmen birlesip qylmystyq jaýapqa tartý úshin Beıbit Serǵazıevti Egıpetten Qazaqstanǵa ekstradıtsııalady, dep habarlaıdy atalǵan vedomstvonyń baspasóz qyzmeti.

Ustalǵan adam kisi ólimine kúdikti adamdardyń paıdasyna sotta kórineý jalǵan aıǵaq berdi dep aıyptalady.

Serǵazıev eshqaıda ketpeý týraly qolhat túrindegi bultartpaý sharasyn buzyp, tergeý organdarynan jasyrynǵan, osyǵan baılanysty oǵan halyqaralyq izdeý jarııalandy.

Ony ekstradıtsııalaý qazaqstandyq qylmystyq qýdalaý organdarynyń egıpettik áriptesterimen birlesken áreketteriniń arqasynda múmkin boldy.

Ol Astana qalasynyń tergeý ızolıatoryna qamaldy, onda sot úkimi shyǵarylǵanǵa deıin ustalatyn bolady.