Egıpet álem chempıonaty 1/8 fınalyna joldama aldy

Kezdesý barysynda egıpettik fýtbolshylar alǵashqy bolyp esep ashty. Oıynnyń 13-mınýtynda olardyń qatarynan Emam Ashýr mergendigimen kózge tústi. Odan keıin aýstralııalyq qurama birinshi kezeńde tarazy basyn teńestirýge umtyldy. 

Oıynnyń 55-mınýtynda Egıpet sapynan Mohamed Hanı avtgoldyń avtory atandy.

Osylaısha negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Penaltı serııasynda Egıpet úzdik atanyp, jarysty jalǵastyrýǵa múmkindik aldy.

Mohamed Salah bastaǵan afrıkalyq qurama G tobynda bir jeńis, eki teń nátıjemen bes upaı aldy. Olar Belgııa jáne Iranmen 1:1 esebine qanaǵat bildirse, Jańa Zelandııany 3:1 esebimen qapy qaldyrdy. 

Eki qurama buǵan deıin 2010 jyly 17 qarashada joldastyq kezdesýde oınady. Bul kezdesýde Egıpet qarsylasynan 3:0 esebimen basym tústi.

Aıta ketsek, buǵan deıin 1/8 fınalǵa shyqqan 13 qurama belgili boldy. Olardyń qatarynda Kanada, Brazılııa, Paragvaı, Marokko, Norvegııa, Frantsııa, Meksıka, Anglııa, Belgııa, AQSh, Ispanııa, Portýgalııa quramalary bar.

Endi 4 shildede saǵat 03:00-de Argentına - Kabo-Verde jasyl alańǵa shyqsa, pleı-off satysyndaǵy oıyndardy 4 shildede 06:30-da Kolýmbııa - Gana túıindeıdi.

Eske salsaq, Fýtboldan 2026 jylǵy álem chempıonatynda Shveıtsarııa quramasy 1/8 fınalǵa joldama aldy.