Egıpet AQSh azamattyǵy bar palestınalyqtarǵa dáliz ashty
Kaır men Vashıngton arasyndaǵy kelisimniń nátıjesinde Gaza sektory men Mysyr arasyndaǵy Rafah baqylaý-ótkizý pýnkti senbi kúni AQSh azamattary men AQSh azamattyǵy bar palestınalyqtar úshin jergilikti ýaqyt boıynsha saǵat 17:00-ge deıin ashyq bolady, dep habarlaıdy Kazinform agenttigi VVS jańalyqtaryna silteme jasap.
Gaza sektorynda Izraıl qorǵanys kúshteriniń qurlyqtaǵy operatsııasyna baılanysty sektordyń soltústik aýdandarynan ońtústigine qaraı turǵyndardy shuǵyl evakýatsııalaý júrip jatyr.
Washington Post basylymynyń habarlaýynsha, Gaza sektorynda amerıkalyq tólqujatpen 600-ge jýyq palestınalyq turady. Olardyń barlyǵy, AQSh bıligimen baılanysta.
Mysyrǵa baratyn dáliz týraly kelisimge Izraıl men Katar baqylaýshylarynyń qatysýymen Kaır men Vashıngton ókilderiniń tikeleı kelissózderi kezinde qol jetkizilgeni habarlandy.
Dáliz Mysyr ýaqyty boıynsha túski saǵat 12-de ashyldy jáne bes saǵat boıy ashyq bolady.
