«Eginjaı» baǵdarlamasy boıynsha kóktemgi dala jumystaryn nesıelendirý bastaldy

ASTANA. QazAqparat - «QazAgro» Ulttyq basqarýshy holdınginiń enshiles kompanııasy - Aýyl sharýashylyǵyn qarjylaı qoldaý qory - «Eginjaı» baǵdarlamasy boıynsha agroónerkásip kesheni sýbektilerine kóktemgi dala jumystaryna nesıelerdi bere bastady.

«Baǵdarlama 2010 jyly ashylyp, shaǵyn jer telimderi bar fermerlik sharýashylyqtar, sharýa qojalyqtary men jeke azamattardy qoldaýǵa baǵyttalǵan. Úsh jyldyń ishinde Aýyl sharýayshylyǵyn qarjylaı qoldaý qory 2,7 mlrd. teńgege 1 myńnan astam jobany óz qarajatynan qarjylandyrdy. Sonymen qatar, tartylǵan qarajattan maqta ósiretin aýyl sharýashylyq taýar óndirýshilerine «Yrys» shaǵyn nesıe uıymy» arqyly 1 mlrd. teńge bólindi» delingen QR AShM málimetinde.

AÓK sýbektilerin qoldaý kelesi talaptarmen júzege asyrylýda: nesıeniń somasy - 6 mln. teńgege, jyldyq syıaqy ústemesi - 9,5%, tıimdi syıaqy ústemesi - 10,2% deıin. Nesıeni qaıtarý astyqtyń eki shyǵymyn satýdan keıin qarastyrylǵan, bul aýyl sharýashylyq taýar óndirýshileri úshin óte mańyzdy jeńildik.

Qazaqstannyń ońtústik aımaqtaryndaǵy sharýalar jaqyn arada egistik naýqandy bastaýǵa daıyn. Qordyń Ońtústik Qazaqstan fılıaly «Eginjaı» baǵdarlamasy boıynsha naýryzdyń birinshi kúnderi 8,5 mln. teńgege 2 jobany qarjylandyryp, taǵy 2 ótinimdi qarastyrýda. Aǵymdaǵy jyly oblysta kóktemgi dala jáne kúzgi jıyn-terim jumystaryna 50 mln. teńge baǵyttaý kózdelýde.

Jalpy, 2014 jyly Aýyl sharýashylyǵyn qarjylaı qoldaý qory tarapynan kóktemgi dala jáne kúzgi jıyn-terim jumystaryna 1,6 mlrd. teńge bólinedi dep josparlanyp otyr.