Eginshilerge beriletin bıýdjettik nesıe eki ese ulǵaıýy múmkin
NUR-SULTAN. QazAqparat – Bıylǵy egis jáne oraq júmystaryna beriletin bıýdjettik nesıeniń mólsherin eki ese ulǵaıtý kózdelip otyr. Bul týraly Úkimet otyrysynda QR Aýyl sharýashylyǵy birinshi vıtse-mınıstri Aıdarbek Saparov aıtty, dep habarlaıdy Qazqparat tilshisi.
«Bıyl «Agrarlyq nesıe korporatsııasy» jelisi boıynsha kóktemgi egis jáne egin jınaý jumystaryna kredıt berýge 70 mlrd teńge kóleminde bıýdjettik kredıt bólindi.
Búgingi kúni «Keń dala» baǵdarlamasy aıasynda resmı túrde 77,6 mlrd teńge somasyna aýyl sharýashylyǵy taýarlaryn óndirýshilerden 2673 ótinim kelip tústi. Onyń ishinde:
– 24,1 mlrd teńge aýyl sharýashylyǵy taýarlaryn óndirýshilerdiń 720 ótinimi qarjylandyryldy;
- 40,4 mlrd teńgege aýyl sharýashylyǵy taýarlaryn óndirýshilerdiń 1748 ótinimi maquldandy;
- 13,1 mlrd. teńgege 205 aýyl sharýashylyǵy taýarlaryn óndirýshilerdiń ótinimi qaralýda», - dedi mınıstrlik ókili.
Onyń aıtýynsha, qazir mınıstrlik tarapynan kóktemgi egis jáne egin jınaý jumystaryn júrgizý úshin qarjylandyrý kólemin qosymsha 70 mlrd teńgege ulǵaıtý, bıýdjettik kredıtteýdi 140 mlrd teńgege deıin jetkizý máselesi pysyqtalyp jatyr.
«Bul rette, 70 mlrdteńge mólsherinde qosymsha qarajat bólingen kezde aýyl sharýashylyǵy taýarlaryn óndirýshilerdi qoljetimdi kredıtteýmen qamtý ulǵaıtylady. Bul qosymsha shamamen 1300 jobany qarjylandyrýǵa múmkindik beredi», - dedi Aıdarbek Saparov.
