Egin jınaý jumystaryn qarjylandyrýǵa 90 mlrd. astam qarajat bólindi - AShM

ASTANA. 12 qarasha. QazAqparat - Kóktemgi egis jáne egin jınaý jumystaryn qarjylandyrýǵa «QazAgro» Holdıngi bıýdjettik nesıe qarajatynan aýyl sharýashylyǵy taýaryn óndirýshilerge 53,2 mlrd. teńge bólindi.

Bul týraly búgin Úkimet otyrysynda QR Aýyl sharýashylyǵy mınıstri Asyljan Mamytbekov málimdedi.

Onyń aıtýynsha, munan ózge salany qoldaýǵa 39 mlrd. teńge shamasynda sýbsıdııa bólindi.

«Kúzgi dala jumystaryna bir lıtrine shamamen 91 teńgege turaqty baǵa boıynsha 410 myń tonna dızel otyny bólindi, bul naryq baǵasynan 10% tómen», - dep qosty Aýyl sharýashylyǵy mınıstri.

Sonymen qatar, onyń aıtýynsha, astyqty keptirý úshin qosymsha 41,8 myń tonna dızel otyny bólingen.