Egin jınaý naýqanynyń qarqyny byltyrǵydan joǵary – Erbol Qarashókeev
NUR-SULTAN. QazAqparat – Dándi jáne dándi-burshaqty daqyldardyń 95 paıyzy jınaldy. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.
«Osy jyly egin jınaý jumystary ýaqtyly bastaldy. Bul rette egin jınaý naýqanynyń qarqyny byltyrǵydan joǵary. Máselen, búgingi kúni respýblıka boıynsha barlyǵy 15,1 mln gektar dándi jáne dándi-burshaqty daqyldar nemese olardyń jalpy alańynyń 95 paıyzy jınaldy. Al ótken jyly osyndaı ýaqytta 14,5 mln gektar nemese 91,5 paıyz jınalǵan bolatyn», - dedi mınıstr.
Onyń atap ótýinshe, búgingi kúni ortasha túsimdilik gektaryna 9,4 tsentnerdi qurady.
«Budan basqa, maıly daqyldar, kókónister, kartop, baqsha daqyldary men maqta jınaý jumystary júrgizilip jatqandyǵyn atap ótken jón», - dedi ol.
